बाँके १८ चैत - नेपालगन्ज उपमहानगरपालिका–२१ विर्तामा एक जना युवकको घाँटी रेटिएको अवस्थामा शव फेला परेको छ ।
जिल्ला प्रहरी कार्यालय बाँकेका प्रवक्ता डिएसपी नारायण डाँगीका अनुसार स्थानीय अन्दाजी २०/२२ वर्षीय युवक अरबी खाँको घाँटी रेटेर हत्या गरिएको अवस्थामा आइतवार विहान १० बजेतिर शव फेला परेको हो ।
उनको शव पोष्टमार्टमका लागी भेरी अस्पतालमा राखिएको छ । घटनारातीको भएपनि प्रहरीले घटनाबारे बिहान जानकारी पाएको थियो ।
अरबी पूर्व वडाअध्यक्ष रन्जित खाँका नाती भएको खुलेको छ । प्रहरीले घटनाबारे अनुसन्धान भइरहेको जनाएको छ ।
.gif)