नगर प्रमुख बोगटीद्धारा भीम वाटिका (महेन्द्रनगर पार्क) को निरिक्षण

शाख न्यूज    प्रकाशित: २०७९-९-१८ गते   ६१८ पटक हेरिएको

महेन्द्रनगर १८ पुस - कंचनपुरको भीमदत्त नगरपालिका–१८ स्थित भीम वाटिका (महेन्द्रनगर पार्क) को नगर प्रमुख पदम बोगटीले निरिक्षण गरेका छन  ।

उचित व्यवस्थापनको अभावमा जिर्ण बन्दै गएको पार्कलाई हाल भीमदत्त नगरपालिकाले सिंगारन थालेको छ । पार्क सफा, स्वच्छ, रमणिय र केही हेर्न वा घुम्न लायकको हुनु पर्ने हो । त्यसैले भीमदत्त नगरपालिकामा नयाँ नेतृत्व आएबाटै भीम वाटिकालाई नया रुप दिन  थालिएको छ । पार्कभीत्र रंगरोगन, ठुला रुखहरु, झाडी, फोरोह सफाई, शौचालय तथा अन्य संरचना मर्मत, फूलबारी, घाँसे चौर बनाउने काम भइरहेको छ ।

सोमबार नगरप्रमुख बोगटीले पार्कभित्र भइहरेको मर्मत कार्यको निरिक्षण गर्दै निर्देशन समेत दिएका थिए । सो पार्क भीमदत्त नगरपालिका–१८ का वडासदस्य हेम बहादुर बस्नेतको सक्रियतामा मर्मत भइरहेको छ ।

‘पार्कभित्र सरसफाई संगै बालबालिकालागि खेल्ने समाग्री राख्ने, २४ सै घण्टा पानीको फोहरा राख्ने, खानेपानीको प्रंबन्ध गर्ने, चौतारा बनाउने, ठुला रुखझाँडी सफाई गर्ने, फोहोरमैला केन्द्र एक निश्चित ठाँउमा बनाउने, अशोकका रुखहरुमा एकरुपता ल्याउने लगाएत रंगरोगनका काम भइरहेको छ ।’ वडासदस्य बस्नेतले बताएका छन । 

पार्कभित्रै रहेको सरस्वती मन्दिर, किसान नेता शहिद भीमदत्त पन्तको सालिक लगाएतका संरचना समेत सजावट गरिने जनाएका छन ।

© Copyright 2020 Sakhanews. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech