नेपालगन्ज १५ साउन - सल्यानको कालिमाटी गाउँपालिकाबाट सरुवा भई आएका प्रमुख प्रशासकीय अधिकृत हरिबहादुर खत्रीलाई राप्तीसोनारी गाउँपालिकामा स्वागत गरिएको छ । आइतबार गाउँपालिका अध्यक्ष तप्त बहादुर पौडेल, उपाध्यक्ष मनिषा सिंह थारु लगायत अन्य कर्मचारी तथा जनप्रतिनिधिहरुले खत्रीलाई स्वागत गरेका थिए ।
नेपाल सरकारबाट पाएको जिम्मेवारी निजामती कर्मचारीले अनुशाशीत, इमानदारीताका साथ वहन गरिए स्थानीयबासी मन जित्न सकिने प्रमुख प्रशासकीय अधिकृत खत्रीले जानकारी दिएका छन् । साथै जनप्रतिनिधि, कर्मचारी , जनताको बिचमा पारस्परिक सम्बन्ध कायम भएमा बिकास निर्माण , सेवाग्राहीलाई चुस्त र दुरुस्त, छिटोछरितो रूपमा सेवा प्रदान गर्न सजिलो हुने उनले बताएका छन ।
अध्यक्ष पौडेलको प्रमुख आतिथ्यमा सम्पन्न स्वागत कार्यक्रममा गाउँपालिका जनप्रतिनिधि, कर्मचारीहरु लगायतको उपस्थिति रहेको थियो ।