नेपालगन्ज २६ जेठ - नेपालगञ्ज उपमहानगरपालिकाले विद्यालयहरुमा गर्मी विदा दिएको छ । अत्याधिक गर्मीका कारण पठनपाठनमा समस्या भएपछि पाँच दिन विद्यालयहरुमा विदा दिइएको हो ।
शिक्षा, युवा तथा खेलकुद महाशाखाका उपसचिव गोर्ख बहादुर थापाले जेठ २७ गतेदेखि जेठ ३१ गतेसम्म विद्यालयहरुमा विदा दिइएको बताए ।
गर्मी बढे लगत्तै पठनपाठनमा समस्या भएपछि खजुरा गाउँपालिकाले जेठ २७ गतेदेखि जेठ ३० गतेसम्म विदा दिएको छ भने कोहलपर नगरपालिकाले पनि गर्मी बिदा दिएको छ ।