कंचनपुर ०४ जेठ — कंचनपुरको कृष्णपुर नगरपालिका ९ मा एमालेको गढ भत्काउँदै नेपाली काँग्रेसका उम्मेदवार कैलास बहादुर बलायर भारी मतका साथ निर्वाचित भएका छन । बलायरले आफ्ना निकतम प्रतिद्वन्दी एमालेका गणेश बहादुर ऐरलाई ३७९ मतको अन्तरले हराउँदै वडाध्यक्षमा निर्वाचित भएका हुन ।
निर्वाचन कार्यालयले सार्वजनिक गरेको मत परिमाण अनुसार काँग्रेसका बलायरले १ हजार २२१ र एमालेका ऐरले ८४२मत ल्याएका थिए । यस अघि ०७४मा एमालेकै उम्मेदवार छत्र महरासंग पराजित भएका काँग्रेसका बलायरले यस पटक फराकिलो मतका साथ विजयी भएका छन ।