जानकी गाउँपालिकाको ११ औं विशेष गाउँसभा सम्पन्न

शाख न्यूज    प्रकाशित: २०७८-७-५ गते   ३२८ पटक हेरिएको

जानकी (बाँके) । जानकी गाउँपालिकाले विहिबार ११ औं विशेष गाउँसभा सम्पन्न गरेको छ ।
गाउँपालिकाकी कार्यवाहक अध्यक्ष भूमिसरा धितालको अध्यक्षतामा भएको विशेष गाउँसभाले शिक्षा ऐन पहिलो संशोधन तथा स्वास्थ्य सेवा ऐन र केही आर्थिक र वडास्तरका योजना संशोधन गरेको छ । गाउँसभामा कार्यवाहक अध्यक्ष धितालले शिक्षा ऐन पहिलो संशोधन तथा स्वास्थ्य सेवा ऐन र केही आर्थिक र वडास्तरका योजना संशोधन प्रस्ताव पेश गरेकी थिइन् । उनले ऐन संशोधन नभएका कारण शिक्षा तथा स्वास्थ्यका क्षेत्रमा काम गर्न कठिनाई भएकोले विशेष गाउँसभामार्फत् संशोधन गरिएको बताइन् ।
शिक्षा ऐन २०७७ पहिलो संशोधन, स्वास्थ तथा सरसफाई ऐन २०७८, गाउँपालिकाको  वडास्तरीय योजना संशोधन र रोजगार शाखाको कार्यक्रम सर्बसहमतिबाट पारित भएको प्रमुख प्रशासकीय अधिकृत बसबहादुर रानाले जानकारी
 दिए । गाउँपालिकाका कार्यबाहक अध्यक्ष धिताल, प्रमुख प्रशासकीय राना, लेखा अधिकृत मतीन अहमद अन्सारी लगायतले विभिन्न ऐन संशोधन प्रस्ताव पेश गरेका थिए ।

© Copyright 2020 Sakhanews. All rights reserved.
सस्तो नभई भरपर्दाे वेबसाईट बनाउन सम्पर्क : ९८०१०३५९०५
Design & Developed By : Journey For Tech