नेपालगञ्ज । मंगल प्रसाद नमुना मावि नेपालगञ्जका बिद्यार्थीहरुका लागि एक हप्ताको उद्घोषण तालिम सुरु भएको छ । मंगल प्रसाद नमुना मावि नेपालगञ्जको आयोजना तथा बास नेपालको सहजीकरणमा आइतवारदेखि तालिम सुरु भएको हो ।
बिद्यालयका कक्षा ९, १० र ११ का ३५ जना बिद्यार्थीहरुको सहभागिता रहेको तालिमको बास नेपालका जनसम्पर्क अधिकृत माधव कार्कीले सञ्चालन गरेका थिए । तालिमको पहिलो दिन बास नेपालका कार्यक्रम प्रबन्धक तथा प्रशिक्षक मन भण्डारीले उद्घोषणको परिभाषा, उद्घोषणको महत्व, बोल्ने कलाको महत्व, उद्घोणका आधारभुत तत्व, आवश्यक पर्ने छ वटा 'क' को प्रयोग लगायतको विषयमा तालिम दिएका थिए ।
७ दिनसम्म सञ्चालन हुने तालिम पौष १२ गते समापन हुनेछ ।